Endeleg bekrefta

Frøya konstatert drektig med UL 31.august 2026...

...det er kvalpar på veg og det ser ut til at det kan komme ein liten flokk små potar med store hjarte!

Då kan vi verkeleg berre begynne å sjå fram imot kvalpane og håpe denne kombinasjonen vil gi oss gode representantar for denne flotte rasen!

Fineste Loke på Leirvågfjellet og i Geiranger i Juli 2026...

Frøya i Sandefjord sommaren 2024...

Eg ønsker alltid å finne hundar som er ein god match og forhåpentlegvis vil gi eit jamnt kull der helse, mentalitet, eksteriør og brukseigenskapar går hand i hand. 

Loke har eg vore så heldig å bli kjent med og han er ein fantastisk fin fyr som er lett å trene, herlig å omgås, har vore frisk heile livet og ikkje minst er han ein vakker flat med ei stamtavle som ikkje er overrepresentert. 

Frøya har mykje av det same og er tvers gjennom ei herleg tispe, ganske lik både si mora og sin faren...

Les meir om kombinasjoner her!!

Det kribla litt ekstra når eg tenker på det, men ikkje berre for at det endeleg blir kvalpa, men at dei ikkje skal fødast og bu her saman med meg dei første vekene av livet...

Kvalpane skal få ein superfin start og eg gleda meg stort til å følgje dei ♥

Klem -Anja-

H.M. Kong Harald V ♥ 1937 – 2026

Til minne om ein riktig god mann - seglaren, hundemannen, naturmannen...vår tidligare konge - 

H.M. Kong Harald V ♥ 1937 – 2026

Det er med stor og særs djup sorg at vår kjære konge, ja ein bestefar og riktig god mann for heile landet, har gått bort.

Eg og vi kjenne på ei stor sorg i dag, men ikkje minst går tankane mine til dei han var ein ektemann, ein pappa, ein bestefar av blodet og ein lillebror for ♥

Oppgåva du skulle gjere var stor, du var stor.

Du gjorde rolla endå større ved å vere den flotte kongen, den gode mannen du viste i tankane gjennom talar, i handling som den varme og personlege mannen du var, og ein som alle tok til seg. 

Du har vore der for alle, og særskilt dei svake og dei som står utanfor. Du var stor ♥

Du stod i oppgåva heilt til det siste, og det viser kva mann, skikkelse og konge for folket du var.

Alt for Noreg - og det har du vist oss alle at du var…

Skuta du segla så stødig til vanns og til lands - den losa du trygt i hamn og har no overlatt henne med rikt innhald til vår nye konge!

Vi - landet ditt - seglar vidare rikare etter å ha hatt deg som vårt overhovud i ein institusjon som har vist alle kven og kva Noreg er. 

Takk for alt er på sin rett i dag - for du gav oss verkeleg alt. Du ga med di kjensleladde innleving, din varme, kunnskap, openheit, humor og inkludering med stor styrke i den rolla du var født inn i. 

 

 Sola har no senka seg for deg ein aller siste gong...

Din siste tur er gjort - du stod i plikta heilt inn til det siste...

Du har vist og sagt til oss gjennom år at vi skal vise fram det beste i oss sjølve, og det håpar eg vi klarer å ta med oss vidare, og ikkje berre no som sorga er så stor ♥ 

No skal vi alle få ta inn over oss det som er forbi, og leve med minna om den fantastiske rolla du fylte frå fødsel og heilt fram til din død - slekt følgjer slekters gang 🤍

Måtte den nye kongen vår gå stødig inn i rolla som den personen han er. Det er godt å ha nokon som er samlande uansett kven vi er i landet, kva hudfarge vi har, kva farge som fargar den politiske tilhøyrsla vår, religion eller kven vi framstår som. 

Vi er heldige som har ein monark som er der på tvers av alt, og som er upolitisk og samlande i staden for å splitte...

Sist veke i Slottsparken då eg var ein tur til Oslo...

TAKK FOR ALT ♥♥♥

I dag er ein dag fylt med sorg, men også ei stor takksemd for den kongen du var for oss ♥

«KONGEN ER DØD - LEVE KONGEN!» det er noko sterkt i dette...

Lukke til i di nye rolle - 

Hans Majestet Kong Haakon VIII - Alt for Norge ♥

Klem -Anja-

Det er slutt...

...Har du også fått det med deg?

Den generelle bandtvangen i Norge er frå 1. april til og med 20. august...

Etter ein lang periode er det no slutt, og det er mange ulike kjensler knytt til det. Nokon er letta og glade for at «friheita» endeleg er tilbake, slik at vi kan trene hund og ha den/dei litt laus på tur. Sjølv er eg glad for at eg kan gå i hagen min igjen – utanfor den inngjerda delen – saman med hundane, utan å vera bekymra for rådyrkalvane og det andre dyrelivet som ikkje skal bli forstyrra.

No går vi inn i ei tid med pur glede for dei firbeinte...

Men det er ein del som ikkje synest det er stas med lause hundar. Så vi må ta omsyn til dei rundt oss og gi omgivnadane inntrykk av at vi som hundeeigar faktisk er ok folk!

Om du oppfører deg som ein elendig eigar går det utover oss alle.

Vi må hugsa på at når vi no kan sleppe hundane, så betyr ikkje det «ute av kontroll». Du er pålagd etter lova å ha kontroll på hunden heile tida. Jau då, vi snakkar om levande dyr, og uhell og uventa situasjonar kan oppstå, men alt i alt skal dei vere under kontroll.

I dag er det uansett slutt på den generelle bandtvangen i landet. Men kvar enkelt kommune kan ha eigne reglar for utvida bandtvang på nokre stader, så sjekk kva som gjeld der du bur og ferdast.

For nokre år sidan skulle den utvida bandtvang opp og avgjerast i kommunestyret her i Sula. Forslaget var hårreisande, og difor møtte eg opp for å kunna forklara dei som var usikre på kva som ville vere rett - etter lova. Det var fleire som snakka med meg, og eg kunne fortelja at det strir mot norsk lov å gjera eit så stort inngrep i lova om bandtvang, og refererte til hundelova. 

Så her i kommunen er det berre bandtvang på Sulafjellet til og med 30. september. Eg gler meg difor til oktober, når eg kan gå opp på det store fjellet med laus hund på dei oversiktlege stadene - for det er verkeleg vakkert på hausten…

Elles er det eigaren si plikt å gje hunden eit godt og rikt liv, samtidig som samfunnet må leggje til rette for at det er mogleg. Om vi alle trenar og sosialiserer hundane på ein god måte frå dei er kvalpar, er det bra for hundane, og ikkje minst for alle som lever rundt der vi oppheld oss.

Vi som hundeeigarar har plikt til å ha kontroll på hunden vår, og med det minner eg om § 4 i hundelova:

«Hunder kan være løse bare når de, a) blir fulgt og kontrollert på aktsom måte, eller b) er forsvarlig inngjerdet på et sted som ikke er åpent for allmenn ferdsel.»

Då hundelova er heilt klar på korleis vi skal gå fram som hundeeigarar, er det i grunnen heilt unødvendig med lokale utvidingar, så lenge desse ikkje er grunngitte med husdyr på beite. 
Dirfor vil eg oppmoda folk til å seia ifrå om nokre kommunar har urimelege krav i forhold til dyrevelferd! Det at kommunane utvidar bandtvangen og gjer at velferda til hundane går ned, er ein uting. 

Det at vi skal ta omsyn til folk, dyr og hundar er heilt klart nedfelt i lova i dag. Om vi alltid skal gå med hunden i band, får den ikkje lov til å utfolda seg naturleg, noko som faktisk ikkje er god dyrevelferd! Det er viktig at hundane skal få springa litt fritt for å ha eit godt liv, og ikkje alle har moglegheit til det i eigen hage.

Kommunane bør heller driva opplysning til alle om korleis vi som hundeeigarar skal ha eit så godt hundehalde som mogleg, førebyggja redsel og visa folk korleis dei skal oppføra seg saman med dyr. 

Vi bør også sjá til andre land og korleis hundar vert inkluderte i samfunnet der. 

Vi må heller ikkje gløyme kor mykje nytte hundane gjer, og kor mykje dei gjev tilbake til samfunnet.

Vi kan alle vera uheldige om hundane får ferten av noko. Men så lenge det ikkje vert ein lei uvane at han kjem ut av kontroll, får vi håpa at tilgjeving frå den som eventuelt vert råka, er eit alternativ…

No kan vi nyte naturen både med og litt utan band...

Det aller meste av denne teksten skreiv eg til ein video publisert på Facebook 21. august 2019...

Er det eventuelt eit problem i nærmiljøet med innkalling og møtesituasjonar? Kanskje eit kurs eller miljøtrening hadde vore eit tips til folk i nærleiken?

Tren hunden og lev godt - med lykkelege hundar♥♥♥

Klem -Anja-