Måndag 18. mai var finstasen hengt opp og delvis komen i vaskemaskina, og Rasmus og eg var klare for eit nytt, lite eventyr – hagevandring! Rasmus fekk spørsmål om han ville vere med meg på hagevandring eller vere ein annan stad. Ikkje det at Rasmus heilt visste kva det var, men berre ein inkluderer «hage», så er han både med og ikkje minst «på».
Hand i hand gjekk vi mot hagen i Spjelkavika – ein hage eg har høyrt om, men aldri sett. Det er hagen til Ole Jonny og Kari Larsen.
Eg treng sikkert ikkje skrive så mykje, for bileta fortel ein heil del...
Dette var verkeleg ein vakker, sjarmerande og innhaldsrik hage - ikkje feil å sei at eg gjerne skulle hatt ein del av den her.
For tenk å kunne ha ei elv rennande gjennom hagen, som ein kan lage bru over, og små koseleg soner og rom til alle høve! Eg likte meg her, og den sjarmerande, rustikke stilen passa meg veldig godt. Det var lett å sjå at dette er ein hage det har vore jobba med og kjærleg opparbeid gjennom 40 år.
Tusen takk for at vi fekk ta turen innom, og det saman med rundt 120 andre ♥♥♥
Klem -Anja-
Ingen kommentarer:
Legg inn en kommentar